شھدادڪوٽ ۾ پوليس ڪارروائي ڪري غيرقانوني طور ترسيل 10 افغان شهرين کي گرفتار ڪري ورتو.
اي سيڪشن ٿاڻي جي ايس ايڇ او جي وڏي نفري ساڻ ڪري مختلف پاڙن توڙي دوڪانن تان 10 افغان شهرين کي گرفتار ڪري لاڪ اپ حوالي ڪري ڇڏيو.
ايس ايڇ او اختر ابڙو چيو ته ايس ايس پي قمبر شهدادڪوٽ آصف رضا بلوچ جي حڪم تحت 10 افغان شهرين کي گرفتار ڪيو آهي.
هن چيو ته گرفتار ڪيل افغان شهرين وٽ سڃاڻپ ڪارڊ موجود نه آهي، وڌيڪ پڇا ڳاڇا ڪئي پئي وڃي.
ايس ايڇ او جو چوڻ هو ته جنهن وٽ قومي سڃاڻپ ڪارڊ نه هوندو ان مٿان ڪيس داخل ڪيو ويندو.
ايس ايس پي قمبر شهدادڪوٽ آصف رضا بلوچ ضلعي اندر اعلان ڪندي چيو آهي ته ڪوبه ماڻهو افغانين کي گهر يا دڪان ڪرائي تي نه ڏئي ، جنهن به افغان شهرين جي سهولتڪاري ڪئي انهن خلاف قانوني ڪارروائي ڪئي ويندي ……
