ڀارت جي مشهور اداڪار مسٽر پرفيڪٽ عامر خان جي هڪ انڪار بالي ووڊ کي ڪيتريون ئي سپر هٽ فلمون ڏيندڙ سلمان خان کي بلندين تي پهچائي ڇڏيو.
ڀارتي ميڊيا موجب ماضي جي ڪامياب فلم هم آپ ڪي هين ڪون؟ ۾ پريم جو ڪردار نڀائڻ لاءِ عامر خان کي آڇ ڪئي وئي هئي، ڊائريڪٽرن جي خواهش هئي ته ماڌوري ڊڪشٽ سان گڏ عامر خان پريم جو ڪردار ادا ڪري پر عامر خان اسڪرپٽ پسند نه اچڻ تي آڇ ٺُڪرائي ڇڏي.
ميڊيا رپورٽ موجب ان وقت سلمان خان پنهنجو ڪيريئر ٺاهڻ لاءِ ڏکي وقت کي منهن ڏئي رهيو هو، هن عامرخان جي انڪار بعد فوري طور تي پريم جو ڪردار نڀائڻ لاءِ ها ڪري ڇڏي.
سلمان خان کي خبر ئي نه هئي ته سندس اها ”ها“ کيس فلمي دنيا جي بلندين تي پهچائي ڇڏيندي.
پريم جي ڪردار سان سلمان خان کي نه صرف شهرت ملي پر بالي ووڊ ۾ کيس رومانوي هيرو طور وڌيڪ پسند ڪيو ويو…..
