عثمان شاھه ھڙي ويجهو پوليس مبينا طور مئل ڪڪڙين جو گوشت وڪرو ڪندڙ ٻن جوابدارن کي گرفتار ڪرڻ جي دعويٰ ڪئي آهي.
مشائخ پوليس ڳجهي اطلاع تي ڪارروائي ڪندي ٻن ڄڻن رزاق ۽ ابراھيم کي گرفتار ڪري سندن قبضي مان مرده مرغين جو گوشت ھٿ ڪري ورتو.
پوليس جو چوڻ آهي ته دلپوٽه چيڪ پوسٽ وٽ سوزوڪي کي روڪي جهڙتي ورتي ته ان مان مئل ڪڪڙين جو 6 مڻ گوشت ھٿ ڪيو.
پوليس جو وڌيڪ چوڻ آهي ته گرفتار جوابدارن اعتراف ڪندي چيو آهي ته پولٽري فارمن کان مرده مرغين جو گوشت سستي اگھه تي خريد ڪري ھاءِ وي سميت مختلف روٽن جي ھوٽلن تي وڪرو ڪندا آهن.
پوليس جو چوڻ آهي ته گرفتار جوابدارن خلاف ڪيس داخل ڪيو ويو آهي، وڌيڪ جاچ ڪئي پئي وڃي..
