اڳوڻي گهرو وزير چيو آهي ته عدالتي نظام جي لاڏلي کي ٻاهر وڃڻ جي ڪهڙي ضرورت آهي، عالمي عدالت ۾ وڃڻ جو مقصد پاڪستان کي جوابدار ڪري ڪٽهڙي ۾ بيهارڻو آهي، اهو مڪروه ڪم ملڪ دشمن ئي ڪري سگهن ٿا.
هڪ بيان ۾ راڻا ثناءَ الله چيو ته دهشتگردن کي پاڪستان واپس آڻي آباد ڪرڻ وارا هاڻي انهن کي رستا ڏيکاري رهيا آهن، جنهن جو ماڻهو آهي اهي کيس بچائڻ جي ڪوشش ڪري رهيا آهن.
راڻا ثناءَ الله موجب پهريون کيس هيرو بڻايو، فارين فنڊنگ ڪئي ۽ اقتدار ۾ آندو ويو، لاڏلي کي اقتدار ۾ آڻي معيشت ۽ پرڏيهي ملڪن سان لاڳاپا خراب ڪيا ويا.
هن چيو ته مهانگائي ڪري ملڪ ۾ گهرو ويڙهه جهڙيون حالتون پيدا ڪيون ويون آهن، ڪٺ پتلي کي پاڪستان کي عالمي بدنامي لاءِ استعمال ڪيو پيو وڃي، پي ٽي آءِ چيئرمين تي پيسو ڪير خرچ ڪري رهيو آهي؟.
