عمرڪوٽ ۾ مارواڙي پاڙي جي رھواسين ھڪ کان چار گريڊ تائين جون نوڪريون سياسي بنيادن تي ڏيڻ خلاف مظاھرو ڪري نعريبازي ڪئي.
ھرچند، سنجي، ريمو، اشوڪ، لالي، پوجا ۽ ٻين پريس ڪلب آڏو مظاھرو ڪري نعريبازي ڪئي.
احتجاج ڪندڙن چيو تھ ھڪ کان چار گريڊ جي نوڪرين ۾ پنھنجا نوازي ڪري من پسند ۽ سفيد پوش ماڻھن کي ڀرتي ڪيو پيو وڃي. ھنن چيو تھ سندن پڙھيل لکيل ماڻھن کي ٻين جاين تي نوڪري نھ ٿي ملي، کين ھڪ کان چار گريڊ تائين جون نوڪريون بھ نھ پيون ڏنيون وڃن، نوٽيس وٺي ساڻن انصاف ڪيو وڃي.
