ملڪاڻي شريف ۾ پاڻي جي کوٽ خلاف احتجاجي مظاهرو

ملڪاڻي شريف ۾ آبپاشي سب ڊويزن خيرپور گنمبوهھ جي  شاخن ۾ ٽن مهينن کان پاڻي جي کوٽ خلاف مظاھرو ڪري نعريبازي ڪئي وئي .

سنڌ آبادگار تنظيم طرفان  اڄ ٽئين ڏينهن به جهڏو -پنگريو روڊ تي مظاهرو ڪري آبپاشي عملي خلاف نعريبازي ڪئي وئي .

آبادگارن دانهيندي چيو ته سب ڊويزن خيرپور گنمبوهھ جي کوسڪي، جرڪس، سانگي، آئل پور، ٻنگار سميت ستران شاخ جو پاڻي آبپاشي عملي طرفان وڪرو ڪري  ڪروڙين رپين نقصان ڪيو ويو آھي. ھنن چيو تھ هڪ لک ايڪڙ زرخيز زمين بنجر بڻجي وئي آھي، نااھل ۽ ڪرپٽ آبپاشي کاتي جي عملدارن کي ھٽائي سندن معاشي قتل عام بند ڪيو وڃي .