پيپلزپارٽيءَ جي ترجمان شازيا مري چيو آهي ته پي ٽي آءِ جي ناڪاري سوچ وائکي ٿي رهي آهي، غزا بابت ٺهراءُ پاس ٿيڻ وقت سني اتحاد ڪائونسل طرفان نو نو جا نعرا شرم جوڳا آهن.
جاري ڪيل بيان ۾ شازيا مري چيو ته پي ٽي آءِ هجي يا سني اتحاد ڪائونسل غزا جي معاملي تي سنجيده ٿيڻ گهرجي، سڀني کي خبر آهي ته پي ٽي آءِ جي بنياد ۾ اسرائيلي فنڊنگ آهي.
هن چيو ته قومي اسيمبلي ۾ غزا ۾ فلسطينين جي نسل ڪشيءَ خلاف ٺهراءُ تي پي ٽي آءِ کليل نموني سامهون آئي.
شازيا مري چيو ته پي ٽي آءِ شهيد ذوالفقار علي ڀٽي جي عدالتي قتل بابت ٺهراءَ جي به مخالفت ڪئي، 9 مئي جي ڏوهارين جي سوچ ملڪ کي ڏڦيڙ جو شڪار بڻائڻ آهي.
