غوثپور ويجهو کرڙو شاخ کي 20 فوٽ گهارو پوڻ سبب سوين ايڪڙن تي بيٺل فصل پاڻي هيٺ اچي ويا.
مڇي ٻنڍو وٽ کرڙو شاخ کي ويھه فوٽ گهارو پئجي ويو.
گهاري سبب سوين ايڪڙن تي بيٺل فصل پاڻي هيٺ اچي ويا.
اطلاع باوجود آبپاشي عملو نه پهتو جڏهن ته ڳوٺاڻا پنهنجي مدد پاڻ تحت گهاري کي بند ڪرڻ ۾ رڌل آهن.
ڳوٺاڻن ميڊيا آڏو دانھيندي چيو ته آبپاشي کاتي جي نااهلي ۽ بي ڌياني سبب کرڙو شاخ کي گهارو پيو آهي جنهن سبب سندن لکين رپين جو نقصان ٿيو آهي.
ڳوٺاڻن اعليٰ اختيارين کان مطالبو ڪيو آهي ته نااهل آبپاشي کاتي جي ايس ڊي او ۽ انجنيئر خلاف قانوني ڪارروائي ڪري انصاف ڪيو وڃي ٻي صورت ۾ احتجاج جو دائرو وڌايو ويندو.
