فيض گنج پوليس طرفان مقابلي ۾ بدنام ڏوهاري نادر جوڻيجو کي زخمي حالت ۾ گرفتار ڪرڻ جي دعويٰ ڪئي وئي آهي.
پوليس جو چوڻ آهي ته ڏوهارين جي موجودگيءَ جي ڳجهي اطلاع تي مهراڻ هاءِ وي تي پهتاسين ته هٿياربندن فائرنگ ڪري ڏني.
پوليس موجب جوابي فائرنگ ۾ هڪ ڏوهاري کي هٿيار سميت زخمي حالت ۾ گرفتار ڪيو ويو، سندس ساٿي فرار ٿيڻ ۾ ڪامياب ٿي ويا.
پوليس جو چوڻ آهي ته زخمي حالت ۾ گرفتار ڪيل ڏوهاري جي سڃاڻپ رتيديري واسي نادر حسين جوڻيجو طور ٿي آهي.
پوليس موجب جوابدار فيض گنج سميت ڪراچي، لاڙڪاڻو، لوڻي ڪوٽ، ڄامشورو ضلعن جي مختلف ٿاڻن تي ڏوهن ۾گهربل آهي.
ٻئي طرف ايس ايس پي خيرپور پريس رليز جاري ڪندي فيض گنج پوليس جي ساراهه ڪئي آهي.
