قومي ڪرڪيٽ ٽيم جي آءِ سي سي ورلڊڪپ جي اسٽار نيشن جرسي جو نماءُ ڪيو ويو

قومي ڪرڪيٽ ٽيم جي آءِ سي سي ورلڊڪپ جي اسٽار نيشن جرسي جو نماءُ ڪيو ويو آهي.

قذافي اسٽيڊيم لاهور ۾ ڪوٺايل تقريب ۾ پي سي بي مينيجمينٽ ڪميٽيءَ جي چيئرمين ذڪا اشرف شرڪت ڪئي، جنهن ۾ اسٽار نيشن جرسيءَ جو نماءُ ڪيو ويو.

ورلڊڪپ جي اها اسٽار نيشن جرسي پاڪستان ڪرڪيٽ جي هيروز ۽ پر جوش سپورٽرن وچ ۾ تعلق کي ظاهر ڪري ٿي، ان جرسيءَ جو هر جو اسٽار ڪرڪيٽ جي ميدان ۾ ڪارنامن، چمڪ ۽ ڪجهه ڪري ڏيکارڻ جي خواهش کي ظاهر ڪري ٿو.

ان موقعي تي ڳالهائيندي پي سي بي مينيجمينٽ ڪميٽيءَ جي چيئرمين ذڪا اشرف چيو ته اسٽار نيشن جرسي سان ڪرڪيٽرن ۽ مداحن وچ ۾ هر ميچ ۾ مضبوط تعلق سان ڳنڍيل رهندا.

پاڪستان ڪرڪيٽ بورڊ جي ڊائريڪٽر ڪمرشل عثمان وحيد چيو ته اها اسٽار نيشن جرسي رڳو هڪ يونيفارم ناهي، پر ان تي ڪاميابيون، قربانيون ۽ ڪهاڻيون نمايان آهن