قومي ڪرڪيٽ ٽيم جي چيف سليڪٽر انضمام الحق عهدي تان استعيفيٰ ڏئي ڇڏي آهي.
انضمام الحق استعيفيٰ پي سي بي جي ايگزيڪيٽو ڪميٽيءَ جي چيئرمين ذڪا اشرف ڏانهن موڪلي ڇڏي آهي.
پاڪستان ڪرڪيٽ بورڊ انضمام الحق طرفان استعيفيٰ جي تصديق ڪئي..
ان سلسلي ۾ ڳالهائيندي انضمام الحق جو چوڻ آهي ته بنا تحقيق ڳالهيون ڪيون پيون وڃن، جنهن وٽ ثبوت آهن پيش ڪري.
هن چيو ته پي سي بي کي به چيو ته جاچ ڪئي وڃي، هو حاضر آهي.
انضمام الحق چيو ته مٿس سوال اٿيا، تنهن ڪري استعيفيٰ ڏيڻ بهتر سمجهو، عزت کان وڌيڪ ڪا شيءِ ناهي.
هن چيو ته پليئرز ايجنٽ ڪمپنيءَ سان سندس ڪو به تعلق ناهي.
انضمام الحق تي پليئرز ايجنٽ ڪمپنيءَ سان ڀائيواري جو الزام هو……..
