- Advertisement -
نگران حڪومت گيس جي اگهن ۾ اضافو في الحال روڪي ڇڏيو آهي.
نگران وزيراعظم انوار الحق ڪاڪڙ جي صدارت هيٺ وفاقي ڪابينا جو اجلاس ٿيو، جنهن ۾ طئه ٿيل اجلاس تي غور ڪيو ويو.
اجلاس دوران ڪابينا حج پاليسي 2024ع ۽ اينٽي هيومن اسمگلنگ اسٽيشن قائم ڪرڻ جي منظوري ڏني.
ڪابينا کي غيرقانوني پرڏيهين کي ڪڍڻ بابت آرڊر تي بريفنگ ڏني وئي، جنهن ۾ ٻڌايو ويوته فارين ايڪٽ 1947ع تحت سمورن صوبن کي بي دخلي جو آرڊر جاري ڪيو ويو آهي.
بريفنگ ۾ چيو ويو ته پوليس سميت لاڳاپيل ادارن کي غيرقانوني طور ترسيل پرڏيهين کي حراست ۾ وٺڻ جو پابند ڪيو ويو آهي.
اجلاس دوران وفاقي ڪابينا گيس جي اگهن ۾ اضافي وارو فيصلو في الحال روڪي ڇڏيو آهي، ڪابينا گيس جي اگهن ۾ اضافي تي توانائي واري وزارت کي وڌيڪ غور ڪرڻ جي هدايت ڪئي.
ذريعن موجب گيس جي اگهن ۾ اضافي بابت ايِ سي سي جي فيصلي جي منظوري نه ٿي سگهي، ڪابينا جلاس ۾ ايِ سي سي فيصلن جي منظوري غور هيٺ به نه آندي وئي.- Advertisement -
