لکي ويجھو جتوئي برادري ۾ ڪارنهن تڪرار تان جهيڙي ۾ 2 ڄڻا قتل ۽ ھڪ زخمي ٿي پيو آھي.
ڳوٺ حبيب جتوئي ۾ جتوئي برادري جي ٻن ڌرين ۾ هلندڙ ڪارنهن معاملي تان خوني ويڙهھ ۾ ماٺ نه اچي سگهي.
ٻنهي ڌرين جي هڪ ٻئي مٿان جديد هٿيارن سان فائرنگ جي نتيجي ۾ علي بخش ۽ الله بچايو قتل ٿي ويا جڏھن تھ هڪ ڄڻو زخمي ٿي پيو.
ٻن ڄڻن جي قتل ۽ ھڪ جي زخمي ٿيڻ بعد بھ ڌرين ۾ فائرنگ ھلندڙ آھي.
جتوئي برادري جي ٻن ڌرين ۾ جديد ھٿيارن سان فائرنگ سبب علائقي ۾ ڏھڪاءُ پکڙجي ويو ۽ ماڻھو گھرن تائين محدود ٿي ويا.
