مدئجي ۾ اڻ اعلانيل لوڊشيدنگ خلاف سول سوسائٽي ۽ بچايو تحريڪ جي سڏ تي شٽربند هڙتال ڪري ڌرڻو ھنيو ويو.
شھر جي مک ڪاروباري مرڪز شاھي بازار، اسٽيشن روڊ، بس اسٽينڊ سميت سمورو ڪاروبار بند رکيو ويو.
شھرين پاران ڪريم بخش ۽ ٻين جي اڳواڻي ۾ گرڊ اسٽيشن آڏو احتجاجي مظاھرو ڪري ڌرڻو ھنيو ويو.
شهرين جو چوڻ هو ته 20 ڪلاڪ لوڊشيڊنگ سبب جيئڻ جنجال ٿي ويو آهي.
ھنن اعليٰ اختيارين کان مطالبو ڪيو تھ، معاملي جو نوٽيس وٺي اڻ اعلانيل لوڊشيڊنگ مان ڇوٽڪارو ڏياريو وڃي.
