- Advertisement -
مسلم ليگ ن جي صدر نواز شريف وزيراعظم شهباز شريف سان ملاقات ڪري پي ٽي آءِ تي پابندي سميت مختلف قدم کڻڻ تي صلاح مشورا ڪيا ۽ اتحادين سان رابطا تيز ڪرڻ تي مشاورت ڪئي آهي.
ن ليگ جي ذريعن موجب مسلم ليگ ن جي صدر نواز شريف ڇانگا مانگا مري ۾ وزيراعظم شهباز شريف سان ملاقات ڪئي، جنهن ۾ ملڪ جي مجموعي سياسي صورتحال تي خيالن جي ڏي وٺ ڪئي.
ذريعن موجب ملاقات ۾ تحريڪ انصاف تي پابندي سميت ٻين قدمن تي عمل لاءِ حڪمت عملي جوڙڻ تي مشاورت ڪئي وئي.
ملاقات ۾ پنجاب جي وزيراعليٰ مريم نواز به شامل هئي، ذريعن جو چوڻ آهي ته ن ليگ جي ٽنهي وڏن اڳواڻن وچ ۾ هي چوٿين ملاقات ٿي آهي.
ملاقات دوران وزيراعظم شهباز شريف صدر آصف علي زرداري سميت اتحادين سان رابطن ۽ مشاورت بابت آگاهي پڻ ڏني.
ذريعن جو چوڻ آهي ته مشاورتي عمل ۾ ڪيل سمورن فيصلن بابت مسلم ليگ ن جي سينيئر قيادت کي به آگاهه ڪيو ويو آهي….- Advertisement -
