ملڪي حالتون اهڙيون آهن سڀني کي گڏجي ڪم ڪرڻو پوندو : ناصر حسين شاهه

پ پ اڳواڻ ۽ اڳوڻي صوبائي وزير ناصر شاهه چيو آهي ته ملڪي حالتون اهڙيون آهن سڀني کي گڏجي ڪم ڪرڻو پوندو، 9 مئي واقعي ۾ ملوث ماڻهن سان ڪوبه اتحاد نٿو ٿي سگهي، اليڪشن وقت تي ٿيندي، اتحاد هميشه پيپلز پارٽي لاءِ ٺهندا آهن، بلاول ڀٽو زرداري سندن وزيراعظم جو اميدوار آهي. سکر ۾ ميڊيا سان ڳالهائيندي ناصر شاهه چيو ته سندس فارم بحال ٿي ويو آهي، پيپلز پارٽي پهريان به سکر مان سوڀاري ٿي هن ڀيري سڄي سنڌ ۾ ڪلين سوئيپ ڪندي. سندس چوڻ هو ته سنڌ ۾ 61 قومي اسيمبليءَ جون سيٽون آهن، پ پ 50 کان وڌيڪ سيٽون کٽندي. پ پ اڳواڻ ناصر شاهه چيو ته بلوچستان مان به سڀ کان وڌيڪ سيٽون پيپلز پارٽي کي ملنديون، ڏکڻ پنجاب ۾ به سڀ کان وڏي پارٽي پيپلز پارٽي ٿيندي. هن چيو ته سينٽرل پنجاب ۾ ٿورو مقابلو ٿيندو، پ پ ڪي پي ۾ به سيٽون حاصل ڪندي. پ پ اڳواڻ ۽ اڳوڻي صوبائي وزير ناصر شاهه چيو ته ڳڙهي خدا بخش ڀٽو ۾ تمام وڏو جلسو ٿيو، بلاول ڀٽو زرداري سي اي سي اجلاس جي صدارت ڪندو.