تازه ترين

ملڪ جي بهتري لاءِ سڀني کي ديانتداري سان ڪم ڪرڻو پوندو : نگران وڏي وزير مقبول باقر

سنڌ جي نگران وڏي وزير جسٽس رٽائرڊ مقبول باقر چيو آهي ته ملڪ جي بهتري لاءِ سڀني کي ديانتداري سان ڪم ڪرڻو پوندو، ديانتداري سان ڪم ڪندي محروم طبقي لاءِ قدم کڻڻا آهن، کين سڀني کي سچ ڳالهائڻ لاءِ هڪ ٿيڻو پوندو، هو لنڊن جي خانگي دوري تي هو ته نواز شريف سان ملاقات لاءِ ويو هو، آصف علي زرداري ۽ مولانا فضل الرحمان سميت سمورن اسٽيڪ هولڊرز سان ملاقات ڪندو.

سنڌ جي نگران وڏي وزير جسٽس رٽائرڊ مقبول باقر ۽ گورنر ڪامران ٽسوري مزار قائد تي حاضري ڀري گل رکي فاتحه خواني ڪري دعا گهري.

مزار قائد تي گورنر سنڌ ڪامران ٽسوري سان گڏ ميڊيا سان ڳالهائيندي جسٽس رٽائرڊ مقبول باقر چيو ته ملڪ جي بهتري لاءِ سڀني کي ديانتداري سان ڪم ڪرڻو پوندو.

سندس چوڻ هو ته ديانتداري سان ڪم ڪندي محروم طبقي لاءِ قدم کڻڻا آهن، کين سڀني کي سچ ڳالهائڻ لاءِ هڪ ٿيڻو پوندو.

سنڌ جي نگران وڏي وزير جسٽس رٽائرڊ مقبول باقر چيو ته هو لنڊن جي خانگي دوري تي هو ته نواز شريف سان ملاقات لاءِ ويو هو، آصف علي زرداري ۽ مولانا فضل الرحمان سميت سمورن اسٽيڪ هولڊرز سان ملاقات ڪندو.

هن چيو ته شهر ۾ امن امان لاءِ هاڻي قدم کنيا پيا وڃن جنهن جا نتيجا اوهان کي نظر ايندا، هو سنگين حالتن مان گذري رهيا آهن کين قائداعظم آڏو سرخرو ٿيڻو آهي.

ان موقعي تي سنڌ جي گورنر ڪامران ٽسوري چيو ته جيڪڏهن ڪنهن آفيسر پنهنجي ڪارڪردگي نه ڏيکاري ته هو پاڻ وڏي وزير کي چوندو ته اهڙو آفيسر مقرر نه ڪيو وڃي، سسٽم کي ٽوڙيو وڃي، قائداعظم منزل حاصل ڪرڻ لاءِ اهڙي بيمثال قيادت فراهم ڪئي جنهن جي نتيجي ۾ پاڪستان دنيا جي نقشي تي آزاد ملڪ جي حيثيت ۾ اڀريو.

سندس چوڻ هو ته قائداعظم سڄي زندگي ننڍي کنڊ جي مسلمانن جي حقن جي حاصلات لاءِ وقف ڪري ڇڏي، سندس پاليسي ديانتداري ۽ ايمانداري جي هئي.

گورنر سنڌ ڪامران ٽسوري چيو ته قائداعظم جي سياسي جدوجهد سندن ملڪ جي سياستدانن لاءِ هڪ مثال آهي، معاشي استحڪام ۽ معاشرتي نظام جي بهتري لاءِ سڀني کي گڏجي ويهڻ گهرجي.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
113,000SubscribersSubscribe
Pakistan
light rain
30.3 ° C
30.3 °
30.3 °
34 %
1.9kmh
100 %
اڱارو
30 °
اربع
32 °
خميس
31 °
جمعو
33 °
ڇنڇر
34 °

تازه ترين خبرون