ملڪ ۾ دهشتگرد هڪ دفعو ٻيهر ڪر کڻي رهيا آهن: مراد علي شاهه

سنڌ جي نامزد وڏي وزير مراد علي شاهه چيو آهي ته ملڪ ۾ دهشتگرد هڪ دفعو ٻيهر ڪر کڻي رهيا آهن، سڪيورٽي فورسز امن امان لاءِ جانين جو نذرانو پيش ڪيو آهي، حڪومت لاءِ دهشتگرديءَ جو مقابلو ڪرڻ چئلينج هوندو، چونڊ دوران پ پ جي 12 ڪارڪنن کي شهيد ڪيو ويو آهي، صوبي جي بهتري لاءِ سڀ گڏجي ڪردار ادا ڪندا. سنڌ اسيمبلي اجلاس دوران ڳالهائيندي مراد علي شاهه چيو ته هو اسيمبليءَ ۾ قسم کڻندڙ ميمبرن کي ڀليڪار ڪري ٿو، عوام جي خدمت جو سلسلو جاري رکندا. سندس چوڻ هو ته عزيز جوڻيجو سينيئر سياستدان هو، عزيز جوڻيجو چونڊن ۾ ڪامياب ٿيو پر لاڏاڻو ڪري ويو. سنڌ جي نامزد وڏي وزير مراد علي شاهه چيو ته اليڪشن مهم دوران سندن 12 ڪارڪن شهيد ٿيا، اسيمبليءَ ۾ مرحومن لاءِ دعا گهري وڃي. هن چيو ته ملڪ دهشتگردي سميت ڏکئي وقت مان گذري رهيو آهي، ملڪ ۾ دهشتگرد هڪ دفعو ٻيهر ڪر کڻي رهيا آهن. سنڌ جي نامزد وڏي وزير مراد علي شاهه چيو ته سڪيورٽي فورسز امن امان لاءِ جانين جو نذرانو پيش ڪيو آهي، حڪومت لاءِ دهشتگرديءَ جو مقابلو ڪرڻ چئلينج هوندو، صوبي جي بهتري لاءِ سڀ گڏجي ڪردار ادا ڪندا.