ملڪ ۾ ٿڌ جي لهر برقرار

ملڪ ۾ ٿڌ جي لهر برقرار آهي. عالمي موسمياتي ويب سائيٽ موجب صبح سويري استور ۾ گرمي پد ڪاٽو 3، اسڪرو ۾ ڪاتو 2 ڊگري سينٽي گريڊ رڪاڊ ڪيو ويو. فيصل آباد 5، سيالڪوٽ 6، روالپنڊي 7، ملتان 8 ، لاهور ۾ 9 جڏهن ته ڪراچي ۾ گرمي پد 10 ڊگري سينٽي گريڊ رڪارڊ ٿيو آهي. موسميات کاتي جو چوڻ آهي ته مٿانهين خيبرپختونخواه، اتر بلوچستان، گلگت بلتستان، ڪشمير ۽ لاڳاپڇيل جابلو علائقن ۾ هلڪي برسات ۽ جبلن تي برفباري جو امڪان آهي. هوڏانهن پنجاب جي ميدان علائقا ڪوهيڙي جي ور چڙهيل آهن، جنهن سبب ڪيتريون موٽر ويز ٽرئفڪ لاءِ بند ڪيون ويون آهن. موٽر وي ايم 2 اسلام آباد کان لاهور تائين هر قسم جي ٽرئفڪ لاءِ بند آهي، ايم 3 فيض پور کان جڙانوالا تائين بند ڪئي ويئي آهي. گجرات شهر ۽ ڀرپاسي ۾ ڪوهيڙي ۽ سموگ سبب نظر جي حد متاثر آهي. پي ڊي ايم اي اختيارين جو چوڻ آهي ته شهري غير ضروري سفر کان پاسو ڪن، سفر دوران گاڏي آهستي هلائين ۽ فوگ لائيٽس جو استعمال ڪيو وڃي