سجاول ۾ پرڏيهي سياح جوڙي کان ڦر ڪيس ۾ 2 جوابدار گرفتار، 2 موبائل فون هٿ

سجاول پوليس پولينڊ جي سياح جوڙي کان ڦر ڪيل 2 موبائيل فون هٿ ڪري ٻن جوابدارن کي گرفتار ڪري ورتو آهي. ايس ايس پي سجاول ڊاڪٽر عبدالخالق پيرزادي پريس ڪانفرنس ڪندي چيو ته پولينڊ جي جوڙي کان ڦر ڪيل ٻه موبائيل هٿ ڪري ٻن جوابدارن کي گرفتار ڪيو ويو آهي، جڏهن ته هڪ جوابدار روپوش آهي. سندس چوڻ هو ته هٿ ڪيل موبائل فون پرڏيهي سياح جوڙي حوالي ڪيا ويندا ۽ گرفتار جوابدارن کان پڇاڳاڇا ڪئي پئي وڃي. ايس ايس پي سجاول ڊاڪٽر عبدالخالق پيرزادي چيو ته روپوش جوابدار جي گرفتاري ڪاءِ ڇاپا هنيا پيا وڃن، کيس جلد گرفتار ڪيو ويندو. پنج ڏينهن اڳ ڏهن ملڪن جو سائيڪل ذريعي سفر طئي ڪري پهتل پولينڊ جي سياح جوڙي کان سجاول باءِ پاس وٽان هٿياربند هٿيارن جي زور تي 2 موبائل فون ڦر ڪري ويا هئا