ميرپورماٿيلي جي عدالت قتل جو ڏوهه ثابت ٿيڻ تي ٻن جوابدارن کي عمر قيد ۽ 10لک رپيا ڏنڊ جي سزا ٻڌائي ڇڏي .
سڪنڊ ايڊيشنل سيشن جج جي عدالت مسمات رشيده بوزدار جي قتل ڪيس جو فيصلو ٻڌائيندي جوابدار احسان بوزدار ۽ خادم بوزدار کي عمر قيد ۽ 10 لک رپيا ڏنڊ جي سزا ٻڌائي.
ٻه سال اڳ جوابدار احسان بوزدار پنهنجي ساٿين سان گڏجي گهر واري مسمات رشيده بوزدار کي قتل ڪري ڇڏيو هو.
مقتول عورت جي ڀاءُ حسن علي بوزدار جي فرياد تي جروار ٿاڻي تي ڪيس داخل ڪيو ويو هو. عدالت پاران سزا ٻڌائڻ بعد جوابدارن کي گهوٽڪي جيل اماڻيو ويو آهي.
