ميرپور ماٿيلي ۾ ڀاڻ فيڪٽري جي انتظاميا باهه ڏيڻ ۽ پلاٽ تي قبضي جو سردار شعيب خان شر سميت 37 ڄڻن خلاف ڪيس داخل ڪرائي ڇڏيو.
ايف ايف سي ڀاڻ فيڪٽري انتظاميا پاران سردار شعيب خان شر سميت 27 سڃاتل ۽ 10 اڻسڃاتل ماڻهن خلاف ميرپور ماٿيلو ٿاڻي تي ڪيس داخل ڪرايو.
ڪيس ۾ گهرن کي باهه ڏيڻ ۽ هل هنگامي جا قلم شامل ڪيا ويا.
ايف ايف سي ڀاڻ فيڪٽري جي آر ايم رٽائرڊ برگيڊيئر چيمه جو چوڻ آھي ايف ايف سي سامھون پيل پلاٽ ڀاڻ فيڪٽري جي ملڪيت آھي جنهن جو معاوضو به ڏنو ويو آھي ان باوجود قبضي ڪرڻ جي ڪوشش ڪئي جنھن کانپوءِ قانوني ڪارروائي ڪري مٿان ڪيس داخل ڪرايو آھي.
شعيب، ڌڻي بخش شر، الھه بخش ۽ بشير الزام هڻندي چيو ته سندن غير موجودگي ۾ عورتن ۽ ٻارن مٿان انتظاميا ۽ پوليس گڏجي تشدد ڪيو آھي.
هنن چيو ته هو 20 ورهين کان ويٺل آهن کين ايف ايف سي گهر ٺاھي ڏيڻ لاءِ چيو ھو ۽ عارضي طور تي مسو واھ جي ڪپر تي ويھاريو ويو ھو آسرا ڏئي گھرن کي باھه ڏياري ڪيس داخل ڪرايو آھي……..
