نصير آباد ۾ ٽي اڻڄاتل هٿياربند واپاري کان مبينا طور 19 لک رپيا ڦر ڪري فرار ٿي ويا، جڏهن ته واقعي جا سي سي ٽي وي فوٽيجز سنڌ ٽي وي نيوز هٿ ڪري ورتا آهن.
وارهه روڊ تي ڦورو دڪان ۾ گهڙي هٿيارن جي زور تي واپاري منوج ڪمار کان لکين رپيا ڦر ڪري ويا.
سنڌ ٽي وي نيوز ڦر واقعي جا سي سي ٽي وي فوٽيجز هٿ ڪري ورتا آهن.
فوٽيجز ۾ هڪ هٿياربند دڪان ۾ داخل ٿيندي نظر اچي رهيو آهي.
متاثر واپاري جو چوڻ آهي ته هو پنهنجي رائيس مل ٻاهران دڪان ۾ ويٺل هو جتي هٿياربندن داخل ٿي کائنس ڦر ڪئي.
واپارين پاران مطالبو ڪيو ويو آهي ته جوابدارن کي گرفتار ڪري واپاري برادري کي تحفظ فراهم ڪيو وڃي.
