ننگرپارڪر ۾ سنڌ سرڪار طرفان ڪارونجهر جبل جي امڪاني نيلامي خلاف ڌرتي ڌڻي هڪ ڀيرو ٻيهر روڊن تي نڪري آيا، سنڌي ادبي سنگت مرڪز طرفان ريلي ڪڍي وئي.
کارسر ٽَڪريءَ جي امڪاني نيلامي خلاف سنڌي ادبي سنگت طرفان احتجاجي ريلي ڪڍي مشاعرو ڪوٺايو ويو.
اڳواڻن چيو ته ڪارونجهر جبل سنڌو تهذيب جو خوبصورت ماڊل آهي ۽ دنيا ۾ نمودار ٿيل جبلن ۾ سڀني کان پراڻو جبل آهي.
سندن چوڻ هو ته ڪارونجهر ۾ سوين مذھبي آستان، مندر ۽ مسجدون آهن، ۽ ڪارونجهر جابلو قطار ۾ هزارين ناياب ٻوٽيون آهن جن جي طب واري شعبي ۾ تمام وڏي اهميت آهي!
اڳواڻن جو چوڻ هو ته سنڌ سرڪار جي اک به کارسر جي پهاڙي سلسلي تي آهي.
هنن چيو ته اهي ثقافتي ماڊل کي عالمي ثقافتي ماڊل قرار ڏيڻ تائين جدوجهد جاري رکندا.
