صدر عارف علوي چيو آهي ته نوجوانن جو جمهوريت تي يقين، جذبو ۽ تعمير ملت جو عزم انشاءَالله تاريخ لکي ڇڏيندو.
سماجي رابطن واري ويب سائيٽ تي جاري ڪيل پيغام ۾ صدر عارف علوي قوم کي مبارڪون ڏيندي چيو ته خاص طور عورتون سخت ڏکيائن باوجود وڏي تعداد ۾ ٻاهر نڪتيون، انهن عورتن جمهوريت جي مضبوطي لاءِ ووٽ ڏنو، نوجوان به ساراهه جا حقدار آهن.
سندس چوڻ هو ته نوجوانن ووٽنگ جي عمل ۾ پرامن طريقي سان حصو وٺي ملڪ جون واڳون سنڀالڻ جو فيصلو ڪيو آهي.
صدر عارف علوي چيو ته مالي بحران مان نڪرڻ، ڏکيا فيصلا ڪرڻ ۽ ماضي جي ڳالهين کي ختم ڪرڻ لاءِ هڪ حقيقي مينڊيٽ ضروري هو جيڪو نظر اچي رهيو آهي.
هن چيو ته عام چونڊن ۾ ماڻهن کلي ڪري وڏي تعداد ۾ پنهنجي مرضي جو اظهار ڪري دنيا کي پاڪستان جو خوبصورت چهرو ڏيکاريو آهي…
