نگران وزيراعظم انوار الحق ڪاڪڙ بجلي جي ڳرن بلن تي هنگامي اجلاس طلب ڪري ورتو آهي
سوشل ميڊيا تي جاري ڪيل بيان ۾ انوار الحق ڪاڪڙ چيو ته بجلي جي ڳرن بلن جي معاملي تي وزيراعظم هائوس ۾ سڀاڻي هنگامي اجلاس ٿيندو.
هن چيو ته اجلاس ۾ توانائي واري وزارت ۽ بجلي جي ورڇ ڪندڙ ڪمپنين کان بريفنگ ورتي ويندي ۽ واهپيدارن کي بجلي جي بلن بابت وڌ کان وڌ رليف ڏيڻ لاءِ صلاح مشورا ڪيا ويندا.
بجلي جي بلن ۾ غير معمولي اضافي خلاف سڄي ملڪ ۾ مظاهرا ڪيا پيا وڃن، مختلف شهرن ۾ بجلي فراهم ڪندڙ ڪمپنين جي عملي تي تشدد جا واقعا به سامهون آيا آهن.
واپارين سميت عوام حڪومت کان بجلي اگهن ۾ گهٽتائي جو مطالبو ڪري رهيا آهن
