سنڌ جي نگران وڏي وزير جسٽس رٽائرڊ مقبول باقر چيو آهي ته پورهيتن جا حق کائڻ برداشت نه ڪيو ويندو، شهيد بينظير آباد ۽ سکر ۾ پورهيتن کي پندرهن ڏينهن اندر فليٽ لاٽ ڪيا وڃن.
نگران وڏي وزير پورهئي کاتي کي سخت هدايتون ڏيندي چيو ته پورهئي کاتي پورهيتن جي ڪمن ۾ غفلت ڪئي آهي، پورهيتن جي ڀلائي ۽ ترقي لاءِ ڪورٽ ڪيس سبب 21 بلين رپيا هائيڪورٽ جي ناظر وٽ جمع آهن.
هن چيو ته سنڌ ورڪر ويلفيئر بورڊ ڪيس جي صحيح پيروي ناهي ڪئي، جنهن سبب پيسا جاري ناهن ٿيا.
جسٽس رٽائرڊ مقبول باقر چيو ته شهيد بينظير آباد ۽ سکر ۾ پورهيتن کي پندرهن ڏينهن اندر فليٽ لاٽ ڪيا وڃن، ليبر ڪالونيون غير مناسب هنڌ تي قائم ٿيڻ سبب صحيح نموني آباد نه ٿي سگهيون آهن.
نگران وڏي وزير چيو ته پورهيو کاتو ڪهڙو ادارو آهي، جيڪو پورهيتن کي پنهنجو حق ڏيڻ ۾ غفلت ڪري رهيو آهي.
جسٽس رٽائرڊ مقبول باقر چيو ته ورڪر ويلفيئر بورڊ اهو پنج سيڪڙو پيسا رڪور ڪري رپورٽ ڏي
