تازه ترين

نگران وزيراعظم لاءِ نالو اڄ شام يا سڀاڻي تائين فائنل ٿي ويندو : راڻا ثناءُ الله

وفاقي گھرو وزير راڻا ثناءُ الله چيو آهي ته نگران وزيراعظم لاءِ نالو اڄ شام يا سڀاڻي تائين فائنل ٿي ويندو، حفيظ شيخ ۽ ٻين جي نالن تي غور ڪيو پيو وڃي، پر اڃا قطعي فيصلو ناهي ٿيو.

جاري ڪيل پنهنجي بيان راڻا ثناءُ الله چيو آهي ته عام چونڊن ۾ ڪجهه دير ٿي سگهي ٿي پر، 9 مهينن جيترو ڊگهو وقت نه لڳندو.

گهرو وزير  چيو ته  ايم ڪيو ايم نگران وزيراعظم لاءِ ڪامران ٽسوري جو  نالو ڏنو آهي، پيپلزپارٽي به هڪ ٻه نالا ڏيندي، مولانا فضل الرحمان سمورا اختيار وزيراعظم کي ڏنا آهن.

هن چيو ته حفيظ شيخ يا ٻين نالن تي غور ڪيو پيو وڃي، اڃا تائين ڪو به نالو فائنل نه ڪيو ويو آهي.

هن چيو ته  آدمشماري جي منظوري کانپوءِ تڪبنديون ضروري آهن، ڊسمبر تائين تڪبندين جو عمل مڪمل ٿيڻ گھرجي جيڪڏهن تڪبنديون ٿيون ته فيبروري جي آخري يا مارچ جي پهرين هفتي ۾ چونڊون ٿينديون.

هن چيو ته  آرمي چيف جو دهشتگردن سان ڳالهيون نه ڪرڻ وارو پيغام صحيح آهي، دهشتگردن سان ڳالهيون نه ڪرڻ جي پاليسي اڄ جي  نه پر ماضي جي آهي، گذريل سال دهشتگردن سان ڪيل ڳالهين جو ڪو به نتيجو نه نڪتو.

راڻا ثناءُ الله وڌيڪ چيو ته دهشتگردي خلاف زيرو ٽالرنس  پاليسي آهي، پاڪ فوج جا جوان شهادتون قبول ڪري رهيا آهن، دهشتگردي ڪنهن به صورت ۾ برداشت نه ڪئي ويندي.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
105,000SubscribersSubscribe
Pakistan
scattered clouds
4.4 ° C
4.4 °
4.4 °
38 %
1.1kmh
31 %
سُومر
4 °
اڱارو
10 °
اربع
12 °
خميس
13 °
جمعو
15 °

تازه ترين خبرون