نگران وفاقي سرڪار طرفان کنڊ ۽ ڪڻڪ ذخيرو ڪندڙن خلاف ڪريڪ ڊائون تيز ڪرڻ جو اعلان ڪري ڇڏيو.
اسلام آباد ۾ پريس ڪانفرنس ڪندي نگران گهرو وزير سرفراز بگٽي چيو ته پنهنجن ماڻهن طرفان ڪڻڪ ۽ کنڊ جو ذخيرو ڪرڻ شرم جهڙي ڳالهه آهي.
هن چيو ته نگران حڪومت فيصلو ڪيو آهي ته برائي خلاف آخري حد تائين ويندي.
سرفراز بگٽي چيو ته سمگلنگ روڪڻ لاءِ قدم کنيا پيا وڃن، معاشري کي ملڪ دشمنن خلاف متحد ٿي مقابلو ڪرڻ گهرجي.
