وزير سيد مراد علي شاهه چيو آهي ته هو سنڌ ۾ ترقي ۽ وڏي خوشحالي آڻڻ چاهن ٿا عوامي مسئلا ترجيحي بنيادن تي حل ڪيا ويندا.
سيد مراد علي شاهه سان مختلف علائقن جي چونڊيل نمائندن ملاقاتون ڪيون.
وڏي وزير ٺٽي جي اڳوڻي ناظم شفقت شاهه شيرازيءَ ۽ صوبائي وزير رياض حسين ساهه شيرازي ملاقات ڪئي، جنهن دوران ضلعي جي مسئلن بابت ڳالهيون ڪيون ويون.
سيد مراد علي شاهه نوشهروفيروز جي اڳوڻي ايم پي اي مراد علي شاهه ۽ سندس پٽ سيد حسن علي شاهه ملاقات ڪري اڻ اعلانيل لوڊيشنگ، پيئڻ جي پاڻي، ترقياتي ڪمن ۽ ٻين مسئلن بابت آگاهي ڏني.
وڏي وزير سان ميرپورخاص جي چونڊيل نمائندي هري رام ڪشوري لال ملاقات ڪري پنهنجي علائقي جي مسئلن بابت آگاهه ڪيو.
قمبر شهدادڪوٽ سان تعلق رکندڙ سردار خان چانڊئي به وڏي وزير سان ملاقات ڪئي ۽ ضلعي جي امن امان جي صورتحال، عوامي ۽ سماجي مسئلن بابت آگاهي ڏني.
ملاقات دوران ڳالهائيندي وڏي وزير جو چوڻ هو ته هو سنڌ ۾ ترقي ۽ خوشحالي آڻڻ چاهن ٿا عوامي مسئلا ترجيحي بنيادن تي حل ڪيا ويندا.
سيد مراد علي شاهه مسئلن جي حل لاءِ بجيٽ ۾ اسڪيمون شامل ڪرڻ جي هدايت ڪئي.
