وفاقي آئيني عدالت ججز ٽرانسفر ڪيس ۾ اسلام آباد هاءِ ڪورٽ جي پنج ججن جي درخواست سپريم ڪورٽ واپس موڪلڻ جي درخواست رد ڪري ڇڏي

وفاقي آئيني عدالت ججز ٽرانسفر ڪيس ۾ اسلام آباد هاءِ ڪورٽ جي پنج ججن جي درخواست سپريم ڪورٽ واپس موڪلڻ جي درخواست رد ڪري ڇڏي. اسلام آباد هاءِ ڪورٽ جي جسٽس محسن اختر ڪياني، جسٽس بابر ستار، جسٽس طارق جهانگيري، جسٽس اعجاز اسحاق خان ۽ جسٽس ثمن رفعت امتياز طرفان داخل ڪيل درخواست ۾ موقف اختيار ڪيو ويو هو ته انهن جي انٽراڪورٽ اپيل کي آئيني عدالت ۾ منتقل ڪرڻ آئيني طور تي سپريم ڪورٽ جي اختيار جي دائري ۾ اچي ٿو. وفاقي آئيني عدالت درخواست خارج ڪندي چيو ته اسلام آباد هاءِ ڪورٽ جي ججن جي اپيل پيروي نه ٿيڻ جي بنياد تي رد ڪئي وڃي ٿي. لاهور هاءِ ڪورٽ بار ۽ پي ٽي آءِ باني جون ٻيون اپيلون، طاهر فراز عباسي، ڪراچي بار ايسوسيئيشن، رياست علي آزاد ۽ شعيب شاهين جون انٽرا ڪورٽ اپيلون به پيروي نه ٿيڻ جي بنياد تي خارج ڪيون ويون آهن. وفاقي آئيني عدالت پي ٽي آءِ باني سان ملاقات يا هدايتون حاصل ڪرڻ جي استدعا به رد ڪري ڇڏي. چيف جسٽس امين الدين خان واضح ڪيو ته عدالت اهڙا آرڊر جاري نٿي ڪري سگهي ۽ ملاقات جي لاءِ ان عدالت سان رابطو ڪيو وڃي جتي سزا ٿي آهي.