وفاقي حڪومت جشن آزادي جو ڏهاڙو ڀرپور انداز ۾ ملهائڻ جو فيصلو ڪيو آهي.
وزيراعظم شهباز شريف 14 آگسٽ جي پروگرام جي تيارين لاءِ ڏهه رڪني ڪميٽي جوڙي ڇڏي، جنهن جو نوٽيفڪيشن به جاري ڪيو ويو.
رٿابندي وارو وفاقي وزير احسن اقبال ڪميٽي جو سربراهه هوندو، جڏهن ته پيٽروليم وارو وزير مصدق ملڪ، سڌ سماءَ وارو وفاقي وزير عطا تارڙ ۽ راڻا مشهود به ڪميٽي ۾ شامل هوندا.
ڪابينا سيڪريٽري، اطلاعات سيڪريٽري، وزيراعظم جو ميڊيا ڪوآرڊينيٽر بدر شهباز، جوائنٽ سيڪريٽري ميڊيا عبدالاڪبر ۽ ڊپٽي سيڪريٽري پريس مليحه شاهد به ڪميٽي ۾ شامل آهن.
ڪميٽي ٽن ڏينهن ۾ 14 آگسٽ جي پروگرامن، وزيراعظم جي تقرير ۽ پيغام بابت پنهنجو سفارشون وزيراعظم کي پيش ڪندي.
