- Advertisement -
سنڌ جي وڏي وزير مراد علي شاهه چيو آهي ته ڪچي جا ڌاڙيل آخري پساهن ۾ آهن، مغوي ٻارڙن کي ٻڌي وڊيو وائرل ڪرڻ شرم جوڳو عمل آهي، پوليس جا جوان قوم جي حفاظت لاءِ هر وقت موت جي منهن ۾ هوندا آهن، پوليس اهلڪارن پنهنجون جانيون ڏئي دهشتگردن جي ارادن کي ناڪام بڻايو آهي، سنڌ سرڪار شهيدن جي وارثن کي ڪنهن به صورت ۾ اڪيلو نه ڇڏيندي.
ڪراچيءَ ۾ پوليس جي شهيدن جي ڏهاڙي تي ڪوٺايل تقريب کي خطاب ڪندي مراد علي شاهه چيو ته 4 آگسٽ جو ڏينهن ملهائڻ جو مقصد پوليس جي شهيدن جي قربانين کي ياد ڪرڻ آهي.
سندس چوڻ هو ته دهشتگردي خلاف پوليس ۽ ٻين قانون لاڳو ڪندڙ ادارن ڪيتريون ئي قربانيون ڏنيون آهن.
سنڌ جي وڏي وزير مراد علي شاهه چيو ته شهيدن جي قربانين سبب ملڪ آباد آهي، هو دهشتگردن ۽ ڌاڙيلن سان مقابلو ڪندڙ اهلڪارن جي حوصلا افزائي ڪن ٿا، کين قانون لاڳو ڪندڙ ادارن جي اهلڪار جي قربانين کي ياد رکڻو آهي.- Advertisement -
