وفاقي حڪومت پيٽرول مهانگو ۽ ڊيزل ۽ گاسليٽ سستو ڪري ڇڏيو

ناڻي واري وزارت طرفان پيٽروليم شين جي نئين قيمتن جو نوٽيفڪيشن جاري ڪيو ويو آهي. نوٽيفڪيشن موجب پيٽرول جي قيمت ۾ 9 رپيا 66 پئسا في لٽر واڌ ڪئي وئي آهي، جنهن کانپوءِ پيٽرول جي نئين قيمت 289 رپيا 41 پئسا في لٽر مقرر ڪئي وئي آهي. ڊيزل جي اهه ۾ 3 رپيا 32 پئسا في لٽر گهٽتائي ڪئي وئي آهي جنهن کانپوءِ نئين قيمت 282 رپيا 24 پئسا في لٽر ٿي وئي. ان کان علاوه گاسليٽ 2 رپيا 27 پئسا في لٽر سستو ڪيو ويو آهي، جنهن کانپوءِ گاسليٽ جي نئين قيمت 186 رپيا 39 پئسا في ليٽر مقرر ڪئي وئي آهي. لائٽ ڊيزل آئل جي قيمت ۾ به 38 پئسا گهٽتائي ڪئي وئي آهي، جنهن کانپوءِ لائٽ ڊيزل هاڻي 167 رپيا 80 پئسا في لٽر ملندو. پيٽروليم شين جا نوان اگهه اڄ رات 12 وڳي کان لاڳو ٿي ويا.