وفاقي سرڪار اٽي ۽ ڪڻڪ جي سمگلنگ روڪڻ لاءِ هنگامي مانيٽرنگ ڪرڻ جو فيصلو ڪيو آهي.
وفاقي گهرو کاتي کنڊ جي سمگلنگ مانيٽرنگ جيان اٽي ۽ ڪڻڪ جي سمگلنگ روڪڻ لاءِ هنگامي مانيٽرنگ ڪرڻ جو فيصلو ڪندي صوبن کي خط لکي ڇڏيو.
خط ۾ چيو ويو آهي ته 14 اپريل 2023ع تي قائم ڪيل مانيٽرنگ ويب پورٽل کي هاڻي ڪڻڪ، اٽي ۽ ٻين ضروري شين تائين وڌايو پيو وڃي.
خط جي متن موجب، گهرو کاتي چئني صوبن جي چيف سيڪريٽرين کي صوبائي خوراڪ کاتي کي ايف بي آر ۾ موجود پورٽل سان ڳنڍڻ جو حڪم ڏنو آهي.
خط ۾ چيو ويو آهي ته هنگامي طور رات جو لکيل خط ۾ 24 ڪلاڪن اندر عمل ڪري رپورٽ پيش ڪرڻ جي هدايت ڪئي وئي آهي.
مانيٽرنگ ويب پورٽل ۾ نيشنل فوڊ سڪيورٽي ريسرچ، ايف بي آر، ڊائريڪٽوريٽ آف ملٽري آپريشنز جي ايڇ ڪيو ۽ گهرو کاتو شامل آهن………
