وڏي وزيرسيد مراد علي شاهه برساتي پاڻي بيهڻ جو نوٽيس ورتو

وڏي وزير سيد مراد علي شاهه ٺٽي، ڪنڌڪوٽ ۽ بدين ضلعن جي شهرن ۾ برساتي پاڻي بيهڻ جو نوٽيس وٺندي رپورٽ طلب ڪري ورتي آهي. وزير اعليٰ سنڌ مقامي انتظاميا کي هدايتون ڏيندي چيو ته برسات بند ٿي وئي آهي، فوري طور تي پاڻي نيڪال ڪرائي رستا بحال ڪرايا وڃن. وڏي وزير پاڻي بيهڻ جي سببن بابت عملدارن کان رپورٽ گهري ورتي آهي. سيد مراد علي شاهه ٺٽي، ڪنڌڪوٽ ۽ بدين ضلعن جي ڊي سيز کي حڪم ڏنو ته جيڪڏهن پاڻي انتظاميا جي نااهلي جي ڪري بيهجي ويو ته انهن خلاف ڪارروائي ڪئي وڃي.