موسميات کاتي ڪراچيءَ ۾ هڪ دفعو ٻيهر برسات جو امڪان ظاهر ڪيو ويو آهي

موسميات کاتي ڪراچيءَ ۾ هڪ دفعو ٻيهر برسات جو امڪان ظاهر ڪيو ويو آهي. موسميات کاتي موجب سڀاڻي کان هوائون نار بنگال کان ملڪ جي مٿاهين حصن ۾ داخل ٿينديون. موسميات کاتي جو چوڻ آهي ته سڀاڻي کان هڪ اولهندي لهر ملڪ جي اولهندي حصن تي اثرانداز ٿيڻ جو امڪان آهي. موسميات کاتي موجب سڄي سنڌ ۾ سسٽم تحت 3 ۽ 4 سيپٽمبر تي گجگوڙ سان برسات جو امڪان آهي موسميات کاتي سامونڊي طوفان اسني جي حوالي سان ٻڌايو ته گذريل 12 ڪلاڪن دوران سامونڊي طوفان وڌيڪ ڏکڻ اولهه طرف وڌي رهيو آهي. موسميات کاتي ٻڌايو ته اهو طوفان ڪراچي جي ڏکڻ اولهه کان 5 سئو ڪلو ميٽر جي فاصلي تي آهي. موسميات کاتي موجب طوفان اورماڙه جي ڏکڻ ۽ ڏکڻ اوڀر کان 350 ۽ گوادر جي ڏکڻ اوڀر کان 260 ڪلوميٽر پري آهي. موسميات کاتي موجب طوفان بلوچستان جي ويجهو هجڻ سبب مهاڻن کي پهرين سيپٽمبر تائين وچ ۾ سمنڊ ۾ وڃڻ کان پاسو ڪرڻ جي هدايت ڪئي وئي آهي، جڏهن ته سنڌ جا مهاڻا اڄ کان پنهنجون سرگرميون ٻيهر شروع ڪري سگهن ٿا.