سنڌ جي وڏي وزير مراد علي شاهه چيو آهي ته پيئڻ جو صاف پاڻي، گندي پاڻي جو نيڪال ۽ شمسي توانائي جي منصوبن کي اهميت ڏني ويندي، مهانگي بجلي جو ٻوجهه برداشت ڪرڻ عوام لاءِ ڏينهون ڏينهن مشڪل ٿيندو پيو وڃي، سولر سسٽم سستي بجلي لاءِ تمام گهڻو اهم آهي.
وڏي وزير مراد علي شاهه سان پيپلزپارٽي سنڌ جي صدر نثار کهڙي ملاقات ڪئي.
ملاقات دوران ترقياتي بجيٽ بابت پارٽي ڪارڪنن سان ڪيل صلاح مشوري واري اجلاس بابت ڳالهيون ڪيون ويون.
ان موقعي تي سنڌ جي وڏي وزير مراد علي شاهه چيو ته پيئڻ جو صاف پاڻي، گندي پاڻي جو نيڪال ۽ شمسي توانائي جي منصوبن کي اهميت ڏني ويندي.
سندس چوڻ هو ته مهانگي بجلي جو ٻوجهه برداشت ڪرڻ عوام لاءِ ڏينهون ڏينهن مشڪل ٿيندو پيو وڃي، سولر سسٽم سستي بجلي لاءِ تمام گهڻو اهم آهي.
سنڌ جي وڏي وزير مراد علي شاهه چيو ته پ پ چيئرمين بلاول ڀٽو زرداري جي هدايتن تي پارٽي ڪارڪنن کي علائقن جي ترقياتي ڪمن بابت اعتماد ۾ ورتو آهي، پارٽي ڪارڪنن حڪومت جي طاقت آهن.
پ پ سنڌ جي صدر نثار کهڙي چيو ته پارٽي ڪارڪنن طرفان ترقياتي ڪمن بابت ترجيحي پيپرز ملڻ شروع ٿي ويا آهن، پارٽي ڪارڪنن ۾ صلاح مشورن واري اجلاسن سان اعتماد وڌيو آهي
