يوڪرين تي سٺي  ڳالهه ٻولهه ٿي آحي، ان حوالي سان هو پراعتماد آهي : ڊونلڊ ٽرمپ

امريڪي صدر ڊونلڊ ٽرمپ چيو آهي ته يوڪرين تي سٺي  ڳالهه ٻولهه ٿي آحي، ان حوالي سان هو پراعتماد آهي. واشنگٽن ۾ ميڊيا سان ڳالهائيندي ٽرمپ چيو ته يوڪرين گھڻو وقت اڳ ڊيل ڪري سگھيو پئي. سندس چوڻ هو ته هو يوڪرين ۾ فوج نه پيا موڪلن، جيڪڏهن يورپ امن دستو رکڻ چاهي ٿو ته سٺي ڳالهه آهي، کيس نٿو لڳي ته يورپ مان سموري فوج هٽائڻي پوندي. امريڪي صدر چيو ته گاڏين ۽ اليڪٽرڪ چپس جي وڏي ڪمپنينن جي جلد امريڪا ۾ واپسي جو اعلان ڪندو. امريڪي صدر موجب، امريڪا ۾ ڪار پلانٽ قائم ٿيدا، آٽو  ٽيرف 25 سيڪڙو جي ويجهو هوندو. ان کان اڳ فلوريڊا ۾ ميڊيا سان ڳالهائيندي ٽرمپ يوڪريني صدر ولاديمير زيلنسڪي کي غير مقبول ترين شخص قرار ڏنو هو.