بلوچستان جي شهر بارکان ويجهو هٿياربندن بس مان 7 مسافرن کي لاهي فائرنگ ڪري قتل ڪري ڇڏيو

بلوچستان جي شهر بارکان ويجهو هٿياربندن بس مان 7 مسافرن کي لاهي فائرنگ ڪري قتل ڪري ڇڏيو. بارکان جي علائقي رڙڪن ۾ هٿياربندن مسافر ڪوچ جي 7 مسافرن کي گوليون هڻي قتل ڪري ڇڏيو. سڪيورٽي ذريعن موجب هٿياربندن قومي شاهراهه تي ناڪابندي ڪري مسافر ڪوچ کي روڪيو ۽ 7 مسافرن کي لاهي فائرنگ جو نشانو بڻايو، مسافر بس ڪوئيٽا کان فيصل آباد وڃي رهي هئي. اکين ڏٺن شاهدن جو چوڻ آهي ته هٿياربند جو انگ 10 کان 12 هو، مسافرن کي سندن سڃاڻپ ڪارڊ ڏسي گاڏي مان لاٿو ويو. اسسٽنٽ  ڪمشنر بارکان موجب بس جي 7 مسافرن کي گاڏي مان لاهي قتل ڪيو ويو. هوڏانهن بلوچستان جي وڏي وزير مير سرفراز بگٽي مسافرن جي قتل جي مذمت ڪندي چڌيو آهي ته دهشتگرد معصوم ۽ هٿين خالي ماڻهن کي نشانو بڻائي رهيا  آهن، امن دشمنن جا بزدلاڻي وار برداشت جوڳا ناهن ۽ ان جو سخت جواب ڏنو ويندو. هن چيو ته واقعي ۾ ملوث عنصرن کي انجام تائين پهچايو ويندو.