ٺڪراٺي ۾ ڊرگ انسپيڪٽر سکر مختلف هنڌن تي ڇاپا هڻي 2 ميڊيڪل اسٽور سيل ڪري ڇڏيا
ڊرگ انسپيڪٽر سکر ميڊم شفق چاچڙ پاران مختلف هنڌن تي ڇاپا ھڻي غير قانوني ھلندڙ 2 ميڊيڪل اسٽور سيل ڪري ڇڏيا.
ڇاپي دوران ميڊيڪل اسٽورن تان وڏي مقدار ۾ مُدي خارج دوائون به ھٿ ڪيون ويون آھن.
ڊرگ انسپيڪٽر شفق چاچڙ ٻڌايو ته عوامي شڪايتن تي ٺڪراٺو پھتي بنا لائيسنسن جي ھلندڙ خالد سوڍڙو ۽ اسد مھتم جي ميڊيڪل اسٽورن کي سيل ڪيو آھي.
هن چيو ته ٻين ميڊيڪل اسٽور مالڪن کي سختي سان ھدايتون ڏنيون آھن ته پنھنجا لائسنس ٺھرائي بعد ۾ اسٽور کوليو.
ڊرگ انسپيڪٽر وڌيڪ چيو ته ڇاپن دوران اسٽورن تان مدي خارج دوائون به ھٿ ڪيون آھن ۽ غيرقانوني اسٽور ھلائيندڙن خلاف اھڙيون ڪارروايون جاري رکيون وينديون.
