ڪارونجهر جي سروي ڪرائي ويندي: نگران صوبائي وزير خدا بخش مري

سنڌ جي نگران حڪومت طرفان ڪارونجهر جبل جي سروي ڪرائڻ جو اعلان ڪيو آهي، صوبائي وزير خدا بخش مري جو چوڻ آهي ته ڪارونجهر جبل ۾ معدنيات جا 75 ارب ٽن ذخيرا موجود آهن، سروي ۾ خبر پوندي ته ڪهڙي حصي ۾ ڪٽائي ٿيڻ گهرجي، سنڌ ۾ معدنيات جي ذخيرن بابت سيمينار پڻ ڪوٺايو ويندو.

ڪراچي ۾ پريس ڪانفرنس ڪندي معدنيات واري صوبائي وزير خدا بخش مري چيو ته ڪارونجهر جبل ۾ معدنيات جا 75 ارب ٽن ذخيرا موجود آهن، سروي ۾ خبر پوندي ته ڪهڙي حصي ۾ ڪٽائي ٿيڻ گهرجي.

هن چيو ته ڪارونجهر جي کوٽائي نه پر سروي ڪرائي ويندي، 06-2005ع کانپوءِ ڪا به ڊرلنگ ناهي ٿي. خدا بخش مري چيو ته هن وقت 798 ليز جاري ٿي چڪيون آهن، ان وڌيڪ بهتر ڪري سگهجي ٿو، هو ذاتي طور چاهي ٿو ته سنڌ جا ماڻهو نشاندهي ڪن.