ٽنڊومستي ٿاڻي جي حد ۾ ننڍي عمر جي ڇوڪري جي شادي جي ڪاڄ دروان پوليس ڇاپو هڻي گهوٽ سميت ٽن ڄڻن کي گرفتار ڪري ڪيس داخل ڪري ورتو

ٽنڊومستي ٿاڻي جي حد ۾ ننڍي عمر جي ڇوڪري جي شادي جي ڪاڄ دروان پوليس ڇاپو هڻي گهوٽ سميت ٽن ڄڻن کي گرفتار ڪري ڪيس داخل ڪري ورتو. پوليس ڳوٺ روحل شنڀاڻي ۾ ننڍي عمر جي ڇوڪري جي شادي جي اطلاع تي ڪارروائي ڪري گهوٽ علي گوهر، نڪاح پڙهائيندڙ مولوي الياس ۽ ٻارڙي جي والد برڪت شنڀاڻي کي گرفتار ڪري لاڪپ ڪري ڇڏيو. ٽنڊومستي ٿاڻي تي سرڪاري فرياد تي چائلڊ ميرج ايڪٽ تحت ڪيس داخل ڪيو ويو آهي. پوليس جو چوڻ هو ته ننڍي عمر جي ڇوڪريءَ جي شادي تي حڪومت طرفان پابندي لڳل آهي، ڀڃڪڙي ڪرڻ تي شادي ڪاڄ ۾ ڇاپو هنيو. پوليس موجب ننڍي عمر جي نينگريءَ جي شادي ناڪام بڻائي ٽن ڄڻن کي گرفتار ڪيو آهي جن کي اڄ عدالت ۾ پيش ڪيو ويندو.