ٽي ٽي پي سان تعلق رکندڙ گرفتار ڪيل دهشتگرد پاران ڇرڪائيندڙ انڪشاف ڪيا ويا آهن.
گرفتار دهشتگرد سيف الله انڪشاف ڪندي چيو آهي ته هن جو تعلق افغانستان جي صوبي خوست سان آهي، 10 مارچ تي اهي 6 افغاني ۽ 5 پاڪستاني افغان سرحد پار ڪري پاڪستان ۾داخل ٿيا، 3 دهشتگرد جن ۾ نويد، ياسر ۽ وقار شامل هئا انهن وٽ آپگهاتي جيڪيٽس هيون جن ۾ 2-2 گرنيڊ هئا.
سندس چوڻ هو ته هنن جو ڪمانڊر چمتو هو، جيڪو سيڪيورٽي فورسز خلاف بارودي سرنگهه کڻي رهيو هو جنهن ۾ ڌماڪو ٿيو، جنهن بعد خبر ناهي ته اهو مري ويو يا زنده آهي. ان کانپوءِ اسان مٿان پاڪ فوج ڇاپو هنيو جنهن ۾ اسان هڪ ٻئي کان ڌار ڌار ٿي وياسين. پنجن ڏينهن کانپوءِ آرمي مونکي ڳولي گرفتار ڪري ورتو.
