پاڪستان فلسطينين جو گهر آهي،پاڪستان فلسطيني ۽ لبناني ڀائرن سان گڏ آهي:وزيراعظم

وزيراعظم شهبازشريف چيو آهي ته پاڪستان فلسطينين جو گهر آهي، پاڪستانين جو دليون سندن لاءِ ڌڙڪنديون آهن، پاڪستان فلسطيني ۽ لبناني ڀائرن سان گڏ آهي. اسلام آباد ۾ تقريب کي خطاب ڪندي وزيراعظم چيو ته سندن گهر  ۽ تعليمي ادارا فلسطينين لاءِ حاضر آهن، پاڪستان به فلسطينين جو گهر آهي. هن چيو ته اسرائيل ڏاڍ جو مظاهرو ڪري 43 هزار فلسطيني شهيد ڪري ڇڏيا، پر عالمي برادري غزا ۾ جنگبندي لاءِ پنهنجو ڪردار ادا ناهي ڪري سگهي. وزيراعظم چيو ته اسرائيلي فوج اسڪولن، اسپتالن ۽ پناهگاهن تي بمباري ڪري رهي آهي ۽ گڏيل قومن جي سفارشن کي رديءَ جي ٽوڪري ۾ اڇلائي ڇڏيو آهي، سڪيورٽي ڪائونسل ۽ عالمي عدالت به اسرائيل آڏو بيوس آهي. شهبازشريف، فلسطيني شاگردن کي سموريون سهولتن جي فراهمي جي خاطري ڪرائيندي چيو ته پاڪستان فلسطيني ۽ لبناني ڀائرن سان گڏ آهي.