پاڪستان نيڌرلينڊ کي شڪست ڏئي ورلڊڪپ ۾ فاتحاڻي شروعات ڪئي آهي.
حيدرآباد دکن ۾ کيڏيل ميچ ۾ نيڌرلينڊ جي ڪپتان ٽاس کٽي اڳ ۾ پاڪستان کي بيٽنگ ڪرڻ جي دعوت ڏني.
پاڪستان بيٽنگ جي شروعات روايتي انداز ۾ ڪئي، فخر 12 امام الحق 15 ۽ بابر اعظم 5 رنسون ٺاهي آئوٽ ٿي ويا.
ٽي وڪيٽون جلد ڪرڻ بعد محمد رضوان ۽ سعود شڪيل ذميواريءَ سان بيٽنگ ڪندي ٽيم کي ڏکيائين مان ڪڍيو.
سعود شڪيل هڪ ڇڪي ۽ پنجن چوڪن جي مدد سان 52 بالن تي 68 رنسن جي اننگز کيڏي، جڏهن ته محمد رضوان اٺن چوڪن جي مدد سان 68 رنسون ٺاهي آئوٽ ٿيو.
محمد نواز 39 ۽ شاداب 32 رنسون ٺاهيون، جڏهن ته شاهين آفريدي 13 ۽ حارث رئوف سورهن رنسون ٺاهيون.
ائين قومي ٽيم 49 اوورن ۾ 286 رنسون ٺاهي آئوٽ ٿي وئي.
نيڌرلينڊ طرفان بيس ڊي لِيڊِي 4، ايڪرمن 2، آريان دت، بِيِڪ هڪ هڪ وڪيٽ حاصل ڪئي.
پاڪستان طرفان مليل 287 رنسن جي جواب ۾ نيڌرلينڊ جي ٽيم 205 رنسون ٺاهي آل آئوٽ ٿي وئي.
نيڌرلينڊ طرفان نيس ڊي ليڊ 67، وڪرم جيت سنگهه 52 ۽ بِيڪِ28 رنسون ٺاهي ناميان رهيا.
پاڪستان طرفان حارث رئوف 3، حسن علي 2، شاهين آفريدي، افتخار احمد، محمد نواز ۽ شاداب خان هڪ هڪ وڪيٽ حاصل ڪئي.
ورلڊڪپ ۾ پهرين ميچ کيڏي شاندار ففٽي ٺاهيندڙ سعود شڪيل کي ميچ جو بهترين رانديگر قرار ڏنو ويو.
