پاڪستان پاران بنگلاديش خلاف ٽيسٽ سيريز لاءِ 17 رڪني اسڪواڊ جو اعلان

پاڪستان پاران بنگلاديش خلاف ٽيسٽ سيريز لاءِ 17 رڪني اسڪواڊ جو اعلان ڪيو ويو آهي. شان مسعود کي ڪپتان ۽ سعود شڪيل کي نائب ڪپتان مقرر ڪيو ويو آهي، جڏهن ته هو بنگلاديش اي خلاف پهرين چئن ڏينهن واري ميچ ۾ پاڪستان شاهينن جي قيادت به ڪندا. اسڪواڊ جي ٻين رانديگرن ۾ بابر اعظم، عبدالله شفيق، محمد رضوان، ابرار احمد، ڪامران غلام، خرم شهزاد، مير حمزه، محمد علي، محمد هريره، نسيم شاهه، صائم ايوب، سلمان علي آغا، سرفراز احمد، عامر جمال ۽ شاهين آفريدي شامل آهن. ٽيسٽ سيريز جي پهرين ٽيسٽ ميچ 21 کان 25 آگسٽ تائين راولپنڊي ۾ کيڏي ويندي. ٻئي ٽيسٽ ميچ 30 آگسٽ کان 3 سيپٽمبر تائين ڪراچي ۾ کيڏي ويندي. اڳوڻي آسٽريلوي فاسٽ بالر جيسن گليسپي کي پاڪستان جي ريڊ بال فارميٽ ۾ هيڊ ڪوچ جي حيثيت ۾ هي پهرين ٽيسٽ سيريز هوندي.