پاڪستان ۽ آسٽريليا وچ ۾ پهرين ٽي ٽوئنٽي ميچ اڄ برسبين ۾ کيڏي ويندي، ميچ پاڪستاني وقت موجب منجهند هڪ وڳي شروع ٿيندي.
پهرين ٽي ٽوئنٽي انٽرنيشنل لاءِ بنهي ٽيمن جون تياريون مڪمل آهن، پر برسبين ۾ برسات سان ميچ متاثر جو خدشو آهي.
محمد رضوان ٽي ٽوئنٽي ۾ پاڪستان ٽيم جي قيادت ڪندڙ 12 هون ڪپتان هوندو.
محمد رضوان جو چوڻ آهي ته تياري سٺي آهي، فائنل اليون بابت هو ئي فيصلو ڪندا، جيڪو بهتر هوندو.
ٻئي طرف آسٽريليا طرفان مچل اسٽارڪ، جيش هيزل ووڊ، مستقل ڪپتان مچل مارش ۽ اوپنر ٽريوس هيڊ جون خدمتون حاصل نه هونديون، جوش انگلس سيريز ۾ آسٽريليا جي قيادت ڪندو.
