پشاور ۾ سڪيورٽي فورسز جي گاڏي بارودي سرنگهه سان ٽڪرائجڻ سبب هڪ جوان شهيد ۽ ٽن جوانن سميت 6 ڄڻا زخمي ٿي پيا.
ڊي جي آءِ ايس پي آر طرفان جاري ڪيل بيان ۾ چيو ويو ته پشاور ۾ سڪيورٽي فورسز جي گاڏي آءِ ايِ ڊي سان ٽڪرائجي وئي، اهو وقتو وارسڪ ۾ پيش آيو.
ڌماڪي سبب 29 ورهين جو لانس نائيڪ عبدالرحمان شهيد ٿي ويو ۽ 3 ڄڻا زخمي ٿي پيا.
آءِ ايس پي آر موجب دهشتگردن جي بزدلاڻي ڪارروائي سبب 3 شهري به زخمي ٿي پيا.
پاڪ فوج جي ترجمان چيو ته دهشتگردن جي ڳولا ۽ خاتمي لاءِ آپريشن ڪيو ويو، سڪيورٽي فورسز ملڪ مان دهشتگردي جي خاتمي لاءِ پرعزم آهن، بهادر جوانن جون قربانيون سندن ارادا مضبوط ڪن ٿيون
