پنجاب حڪومت، ڪچي جي ڌاڙيلن جي سر جي قيمت ڏهن لکن مان وڌائي هڪ ڪروڙ رپيا مقرر

پنجاب حڪومت، ڪچي جي ڌاڙيلن جي سر جي قيمت ڏهن لکن مان وڌائي هڪ ڪروڙ رپيا مقرر ڪري ڇڏي. پنجاب جي گهرو کاتي ڪچي جي 20 خطرناڪ ڏوهارين جا نالا، تصويرون ۽ سر جي قيمت جاري ڪري ڇڏي آهي. ڪچي جي ڌاڙيلن جي سر جي قيمت ڏهن لکن مان وڌائي هڪ ڪروڙ رپيا مقرر ڪئي وئي. گهربل ڌاڙيلن ۾ شاهد، مجيب، وهاب، غني، احمر عرف شوبي، احمد، عطا الله، سبز علي، قبول، ميرا، دريجن عرف دادو، گورا، ثناءُ الله، تنوير عرف دوڌر، راهب شر، عمر شر، ساوڻ، ظهور، مور زاده، گل حسن ۽ صداري شامل آهن. ڌاڙيلن بابت ڳجهي ڄاڻن ڏيڻ لاءِ گهرو کاتي واٽس ايپ نمبر4002653-0333 جاري ڪيو آهي، جنهن تي رابطو  ڪيو وڃي، اطلاع ڏيندڙ جو نالو راز ۾ رکيو ويندو.